Cilat janë këto baza të cilat familjes ia sigurojnë qetësinë dhe lumturinë? Ato të gjitha merren prej Kuranit e sunetit.
4. Ndihma e ndërsjellë.
Allahu thotë: “Ndihmojeni njëri-tjetrin në punë të mira dhe në të ruajturit nga të këqijat…” Maide 2. Kjo vlen edhe për bashkëshortët, pra secili prej tyre e ndihmon tjetrin, në kryerjen e punëve të mira, në çdo gjë që e do Allahu dhe është i kënaqur me të, qofshin vepra të dukshme apo të padukshme, qofshin nëse kanë të bëjnë me të drejtat e Allahut apo të krijesave. Secili anëtarë i familjes, në krye të dy bashkëshortët, e ndihmojnë njëri-tjetrin në adhurimin ndaj Allahut. Bashkëshortët ndihmohen mes vete në edukimin e fëmijëve. Kjo është barrë dhe është obligim për të dy bashkëshortët, jo vetëm për njërin. Gjithashtu ndihmohen në këshillimin ndërmjet vete. Pa dyshim, në këtë, na ka paraprirë njeriu më i mirë, ai të cilin duhet ta kemi model në pasim, shembull, e ai është Muhamedi salAllahu alejhi ue selem. Përmendet në shumë hadithe se kur ishte në shtëpi, ishte në shërbim të familjes së tij e kur vinte koha e namazit, dilte në xhami për ta falë atë.
Hoxhë Petrit Perçuku – Dersi “Ndërtimi i familjes së lumtur” – Transkriptim.
