Cilat janë këto baza të cilat familjes ia sigurojnë qetësinë dhe lumturinë? Ato të gjitha merren prej Kuranit e sunetit.
5. Lutja ndaj Allahut.
Shumë prej bashkëshortëve tregohen të shkujdesur në lutjen drejtuar Allahut. Sa të mira ia kanë humbur vetes për shkak se kanë qenë të shkujdesur ndaj lutjes, derisa kjo ka bërë që atyre t’iu grumbullohen problemet të cilat nuk kanë pasur mundësi t’i largojnë veçse nëse do t’i drejtoheshin Allahut me lutje. Andaj, drejtuar çdo burri e gruaja, në mënyrë që lidhja e tyre bashkëshortore të forcohet dhe zemrat e tyre të afrohen, le t’i drejtohen Allahut vazhdimisht me lutje, që Ai t’ua përmirësojë gjendjen. Allahu thotë: “Dhe një prej shenjave të Tij është që prej jush krijoi për ju bashkëshortet tuaja, që të qetësoheni pranë tyre, duke vënë ndërmjet jush dashuri dhe mëshirë.” Rum 21. Kush është Ai që i ka vendosur ato (dashurinë dhe mëshirën ndërmjet bashkëshortëve), në Dorën e Kujt janë ato? Në Dorën e Allahut dhe Ai i ka vendosur ndërmjet bashkëshortëve. Andaj, nëse na shfaqet ndonjë problem duhet t’i drejtohemi Allahut në Dorën e të Cilit janë këto që u përmenden në ajet dhe t’i kërkojmë prej Tij. Lutja për anëtarët e familjes dhe bashkëshortin/en renditet në mesin e dhikrit të mëngjesit dhe të mbrëmjes, te lutja: “O Allah, të kërkoj mirëqenie në jetën e kësaj bote dhe në ahiret! O Allah, të kërkoj falje dhe mirëqenie në fenë time, në jetën time, në familjen time dhe në pasurinë time!” Pra, muslimani e lut Allahun që t’i japë mirëqenie në familje. Kjo mirëqenie është: shpëtimi, lumturia, dëlirësia, pastërtia.
Hoxhë Petrit Perçuku – Dersi “Ndërtimi i familjes së lumtur” – Transkriptim.
