-Nëse burri e di se gruaja e tij mërzitet kur e lë në shtëpi dhe del me shokë, duhet t’i lërë shokët për gruan e tij, e jo të thotë: “Nuk ma ndien! Unë vazhdoj shoqërinë.” Kur të martohesh gjërat s’janë më njëjtë. Nuk vazhdohet më me të vjetrën ngase tash ke përgjegjësi ndaj gruas, pastaj ndaj fëmijëve në të ardhmen. Dhe nuk mund të kalosh jetën njëjtë sikur në beqari. Takimi me shokë nuk është obligativ. Kurse kujdesi ndaj gruas është obligim dhe përgjegjësi prej Allahut. Obligim është dalja për të fituar furnizim dhe kthimi pastaj në shtëpi e të merresh me nevojat e familjes. Është nën përgjegjësinë e burrit ta bëjë gruan e tij të lumtur, ashtu dhe anasjelltas. Duhet larguar prej disa injorancave që kanë mbetur ende, si: mbajtja e egos dhe mos lëshimi pe nga ana e burrave. Pejgamberi salAllahu alejhi ue selem ka qenë shumë i afërt dhe i dashur me gratë e tij. Ai madje ka thënë: “Më i miri prej jush është ai që sillet më së miri me gruan e tij.” Nëse do të dish se cili është muslimani më i mirë, burri më i mirë, atëherë është ai që sillet më së miri me gruan e tij. Duhet munduar në çdo aspekt për sjellje të mirë ndaj gruas, edhe nëse i duhet të dalë diçka kundër natyrës së tij apo mënyrës se si është rritur. Bëhesh më i mirë tek Allahu kur përpiqesh ta lumturosh gruan tënde.
Hoxhë Lulzim Perçuku – Derset live.
