» Të shpresojmë në shpërblimin e agjërimit
T’ia kujtojmë vetes se Ai i Cili të shpërblen për agjërimin është Allahu, i Cili është El Keriim – Bujari.
Allahu ka thënë: “Unë shpërblej për të.” Gjithmonë duhet ta kemi në mendjen tonë madhështinë e kësaj fjale.
Andaj, përgëzoje veten tënde me mirësi ngase Zoti yt është bujari dhe dhurata që ta jep Ai për agjërimin është shumë e madhe.
Prej llojeve të shpërblimit në të cilat duhet të shpresojmë janë:
- Dera er Rajan, përmes së cilës hyjnë agjëruesit në Xhenet.
- Hadithi: “Kush e agjëron Ramazanin me besim dhe me shpresë, do t’i falen mëkatet e kaluara.”
- Hadithi: “Ramazani deri në Ramazan shlyen mëkatet mes tyre.”
- Hadithi: “Mos iu ndaj agjërimit ngase asnjë vepër nuk barazohet me të.”
Një rregull: Shpresa në një shpërblim të caktuar e forcon bindjen e besimtarit dhe ndikon ta kryejë në formën më të mirë.
Besimtari duhet të besojë bindshëm se Allahu do t’ia japë patjetër shpërblimin e agjërimit, ngase Ai nuk e shkel premtimin e Tij. Ai duhet të ketë shpresë për shpërblimin e Allahut dhe njëkohësisht të ketë frikë për privimin prej këtij shpërblimi për shkak të ndonjë mëkati apo mangësie.
Hoxhë Lulzim Perçuku.
Transkriptim.